Dodingku Simalungun

Breaking News

Rabu, 04 Juni 2014

52. Jesus Tolong Ham Hanami

do = c

1. Jesus tolong Ham hanami bani tahun baru on

Sai pabayu gogoh nami mangirikkon Ham tongtong

Pasu pasu Ham homa, ganup na porsaya da

2. Pingkiranku ‘pa horjangku, sai pasangap Ham ma in

Puho barang modom ahu, Ham tongtong ilambungkin

Laho luar masuk pe, Ham hasomankin use.

3. Tahun parholong ateian ma hubangku tahun on

Ham patorap hasasapan ni dousaku bangku on

Pitah Ham o, Jesuskin, boi manasap dousakin

4. Apoh Ham homa uhurhu, bai holong ni ateiMu

Janah jalo Ham tonggoku ibaen dear layakMu

Sai padaoh Ham dorunmin, ulang pusok uhurhin

5. Sai pagomos Ham uhurhu, manundalhon dousa in

Tambah ma baen Ham ringgasku mangkorjahon Hata in

Ase ulang uhurhon longkot bai dunia on

6. Sai parorot au, Tuhanku, manipat satahun on.

Tangan-Mu manogu au, anggo rotap hosahkon.

‘Se malas uhurhu lao, ia Ham mandilo au.

Choral Buch 197, Bremen 1680

51. Jesus, Ham do Sai Tongtong

do = bes; BL 77

1. Jesus ham do sai tongtong, bahen hatindalan nami.

Gen bai tahun baru on, ningon Ham hasoman nami.

Tanda hot do padan in, marhitehon daroh in.

2. Goran pakon hata-Mu ningon dapot do tangaron,

Ban sab kuria-Mu na megah pasirsirhon

Uhur ni gorini in bahen rumah-Mu ma in.

3. Na binahen-Mu ganup pagoluhkon tonduynami,

Huatuahon pe sungkup, sol gomos jolomonnami;

‘Ge bai tahun baru on, gok Bamu hanami on.

4. Sai marhasomankon ham ma hanami lao mardalan,

Bintang pambobai do Ham, sai tongtong bai pardalanan;

Binaen ni sondang-Mu in gabe lihar dalan in.

5. Jesus, ondos ma Bamu ganup panarononnami,

‘Ge sonaha pambaen-Mu sai marguna do bannami.

Rapkon Ham tarapoh rup uhurnami haganup.

BE 63 - Jesus, Ho Do Sai Tongtong

50. Sai na Margantih Tahun on

do = es

1. Sai na margantih tahun on sonin rosi magira

Jesus baen ham uhurhon ase tongtong marhira

Bai parsurutni ajalhin, janah manimbang ujungnin.

2. Iudut Ham do hosahkin paidah-idah ahu,

Atap na dong do buah ni horja-Mu in hu bangku;

Hape gati hiranan Ham: Buah ni in seng jumpah Ham

3. Ra ma manringis Naibata mangidah parlahouhu;

Ra ihatahon: “Roboh ma haron na so behangku;

Seng ongga ra marbuah in, benaha be marguna in!”

4. Halani kinahuhon-Mu do au, ase manggoloh;

Sonon nimu bai Bapa-Mu: Paturut ma manggoloh;

Haron, holong ma atei-Mu, taun roh pe das uhum-Mu.

5. O Jesus, au urupi ma bai tahun on mamboan,

Buah na ramos, na tama, padaoh ma hamagouan,

Sai Ham pagogoh au tongtong, pasangap Ham bai goluhkon.

Choral Buch 142, Johann Hermannn Schein 1628 – Mach’s mit mir, Gott, nach deiner Güt

49. Ganupan Hasomanku

do = as; BL 12

1. Ganupan hasomanku, sai tiru ma hatangku,

mamuji Naibatanta, napagoluhkon hita.

2. Sai songon na mardalan ibolus hita tahun;

Dong do ope hosahta, isambat Naibatanta.

3. Ai na songon inangta, na tong manjaga hita,

sonin homa Tuhanta, ijaga do hosahta.

4. Tongon do, Tuhannami, seng boi jagaonnami,

tongkin pe tonduynami age pamatangnami.

5. Sai goran-Mu pujion, parlayak-Mu ganupan,

mangidah na marguna bannami na mardousa.

6. Tangihon Ham, o Tuhan, balosi pangindoan,

na dob pinadasnami Bamu, o Tuhannami.

7. Ramoti hosahnami age pamatangnami,

padaoh parsahitan ampakon hadorsaon.

8. Tumpaki Ham ma horja i juma ‘pa i huta,

pasungkup bohal nami mangudut hosahnami.

9. Ampa na lobih harga humbai ganupan arta

tumpakhon Ham bannami tonduy-Mu, Tuhannami.

10.Hubai goluh magira, sai boban Ham hanami,

manean na i surga, sadokah ni dokahni.

BE 67 - Hamu Ale Donganku

48. Naibata Hasomanmin

do = as; BL 52

1. Naibata hasomanmin, lao mangkorjahon horjamu

Ia do pangajamanmu, sai patoruh uhurmi

Naibata hasomanmin, Naibata hasomanmin

2. Naibata hasomanmin! Anggo rapkon Naibata do.

seng tarbahen ho be kahou, sai torang do langkahmin.

Naibata hasomanmin! Naibata hasomanmin!

3. Naibata hasomanmin! Sai na saud do horjamu,

sai das do sura-suramu, jan ah sonang uhurmin.

Naibata hasomanmin ! Naibata hasomanmin

BE 66 -Debata Baen Donganmi

47. ‘Ma Dapot Tahun Baru

do = f; BL 129

1. Madapot tahun baru on hubangku ibaen Jesus

Ibaen uhur-Ni bangku on layak-Ni ipatorus

Ai Ia do manogu au, ganup na dorsa ipadaoh

na pamalas uhurhu.

2. Halani ai hupuj i Ham, 0 Jesus Naibatangku;

Ai seng ongga marsaran Ham mambaen hatuahonku.

Uhurhu panuratan ni hinabuei ni layak-Mu,

ai Ham do pangurupi.

3. Ai pe anggo hunjon hujan Ham pangunsagahonk on;

Mahansur pe dunia on, martuah au manongtong .

Ai malas uhur pusok pe, manggoluh barang matei pe,

Ham do hatuahonku.

4. Bai Bapa pakon Anak-Nin ampa Tonduy Na Pansing,

ganupan hasangapon in! Ulang be dong na tading!

Sai puji ma pinujingkon, rap ma mangunsagahkon on.

sintong do tong uhur-Ni.

Choral Buch 7 Vorreformatorisch Leipzig, 1539

46. Satahun Use Ma Surutni

do = f

1. Satahun use ma surutni, surut homa ma umurhin

Naha do au na sain dokahni, margagan do parlahouhin

Ganda do haporsayaonku ‘ge holong ni ateihu pe

Bai Jesus pakon Naibatangku, ‘pa bai hasomankin ale

2. Porini matei au sonari, huja ma nani tonduyhin?

Bia hasonangan holi nani rap pakon na mapansing in?

Mamuji Naibata do ahu, ibaen holong ni atei Niin

Atap na hona uhum ahu bai apuy na so miloh in

3. Porini matei au sonari, huja ma nani tonduyhin?

Bai hasonangan holi nani rap pakon na mapansing in?

Mamuji Naibata do ahu, ibaen holong atei-Ni in.

Atap na hona uhum ahu bai apuy na so miloh in?

4. Dousangku seng be tarbilangi, hubahen sain dokahni in.

Na dong tarhira be layak ni Tuhanta Jesus na dob in.

Seng ibalaskon Ham, Tuhanku, hu bangku songon dousangkin.

Lumbang do uhur-Mu hu bangku paidah-idah gabeihin.

5. Halani ai ma ‘se hupuji layakMu in sadari on

Ai na patibal ruji-ruji, sai na tarlobih do in tong

O Jesus, na marholong atei! Ningon hupuji goranMu

Ai Ham do hapeni na pandei mambere bangku layakMu

6. Holong ma atei-Mu hu bangku, mangkasomani au ijon.

Paondos Ham hu surga ahu bai parrotap ni hosahkon.

Na ra do ahu mangihutkon hata-Mu, ‘sal manggoluh au.

Malas uhurhu pararathon barita -Mu ronsi daoh

Choral Buch 42, Halle, 1704